2011: la CTP organisa «l'Annada dels Pirenèus» amb d'eveniments nombróses sus l'ensemble del territòri pirenenc. Una annada per (tornar) descobrir e festar los Pirenèus.
Fasètz labellisar vòstre eveniment “2011, Annada dels Pirenèus”
12-12-2011
Se volètz labellisar un eveniment “2011, Annada dels Pirenèus” pas ren de mai simple. Fasètz una demanda en emplissent lo formulari aquí. Telecargatzlo logo aqui.
Per tot saber sus “2011, Annada dels Pirenèus“, telecargatz la presentacion del document (en francés e en espanhòl)
Quals images per los Pirenèus ?
09-02-2011
A l’escasença del Festenal del film television de Luisson (Nauta-Garona) que se debanarà del 9 al 13 de febrièr que ven, la Comunautat de Trabalh dels Pirenèus a sasit l'oportunitat, dins l’encastre de l'Annada dels Pirenèus, d'organisar un debat sul tema " Quals images dels Pirenèus ?".
DIRECT
Aquel debat, en preséncia de Martin Malvy, president de la region Miègjorn-Pirenèus e de la CTP, organisat tanben jos la forma d'un "tchat" se debanarà lo 12 de febrièr de 2011 de 16h30 a 17h45 al Casinò de Luisson.
Los intervenants a aquela rescontra seràn de representants dels membres de la CTP, de las televisions françasas, espanhòlas e d'Andòrra aital que la premsa magazina dedicada als Pirenèus.
Aquel debat es tanben l’escasença de tornar lançar son enquèsta suls Pirenèus. Que demoretz o non los Pirenèus, vòstre vejaire nos interessa ! Participatz a l'enquèsta en picant aquí. La CTP e los Pirenèus vos mercejan per avança de vòstra contribucion ! De mai, las responsas a aquela enquèsta permetràn d’alimentar lo debat del 12 de genièr Trantalhatz pas a transmetre aquel anar a l’entorn de vos e rendetz-vos lo 12 de febrièr z Banhèras-de-Luisson o en dirècte sul net a l’adreiça pyrineo.eu !
23-12-2010
L’Annada dels Pirenèus: vengatz-nombróses !
28-10-2010
Dijòus 28 d’octobre, a l’escasença del Conselh plenièr de la CTP, lo projecte “2011, Annada dels Pirenèus” es presentat als participants e a la premsa.
Acompanhat de las delegacions de las presidéncias dels membres de la CTP, Martin Malvy, President del Conselh regional de Miègjorn-Pirenèus a desvelat las linhas grandas del projecte e rapelat sos enjuòcs pels Pirenèus.
En efiech, lo projecte “2011, Annada dels Pirenèus” es fòrça mai qu’una simpla campanha publicitària de promocion toristica. Las accions que lo compausan visan a botar en movement l’ensemble dels actors pirenencs e a botar en davant un territòri ric, diversificat e dinamic.
Otra un planh medià a destinacion de l’Espanha, la França e del Reialme-Unit, lo projecte bota l’accent sus l’ensemble dels eveniments culturals, esportius, sus las conferenças… que van dintrar dins l’encastre de l’annada dels Pirenèus e que van pontuar tota l’annada de 2011 sus l’ensemble del territòri pirenenc. En 2011, los Pirenèus vos esperan: vengatz nombróses !
Eveniments