Per sa quinzena edicion, lo festenal propausa pendent 9 jorns del 8 al 16 de julh de 2011, la projeccion d’un centenat de films – documentari e ficcions. Quatre temas seràn evocats per aquels films, seguits de debats amb lors realisators: Justícia de Classa, Biopiratariá, En abans vielhesa ! Créisser, creire, creissètz aital coma una programacion pirenenca e un zom sul cinemà bresilenc. aquela annada seràn a l’onor los cineastas Jean-Marie e Arnaud Larrieu, Caroline Serreau e Maurice Failevic amb ds retrospectivas.
Un trentenat de realisators son presents cada annada a Resisténcia, aital coma un vintenat d’intervenents debats. Una programacion pels enfants e les adolescents es desvolopada cada jorn amb de talhièrs d’educacion a l’imatge e d’animacions. Lo festenal compta mai de 10 000 entradas que comprenon per mitat d’Ariegencs e per mitat un public vengut d’endacòm mai especialament pel festenal. Per sa politica de partenariats amb de mediàs nacionals, lo Festenal Resisténcias participa a l’atractivitat del territòri pirenenc tot en estant un eveniment dins loquel los Ariegencs se reconeisson.
Per 2011, a l’escasença de l’Annada dels Pirenèus: una programacion pirenneca quotidiana.
Cada jorn, una projeccion-debat suls Pirenèus en preséncia del realisator e d’un intervenent. Cada jorn sus un subjècte diferent, descobriràn un film francéss o espanhòl, virat dins lo massís e que joslèva siá una problematica d’uèi siá un fach istoric comun als territòris dels Pirenèus. Projectarem per exemple sus la Retirada, Camps d’Argeles de Felip Solé, sus las resisténcias pirenencas La Guerre des demoiselles de Jacques Nichet, sus l’abitatge Caston, sus la biodiversitat La Peau de L’ours de Pascale Ferrat , sus l’evolucion demografica Cette Montagne, c’est ma télé de Jacky Tujaque...
Una jornada e una serada especialas amb los cineastas pirenencs Jean-Marie e Arnaud Larrieu. Nascuts a Lorda dins los Pirenèus-Nauts, los fraires Larrieu, joves realisators an jà darrièra els una filmografia importanta ont lors dos actors preferits Mathieu Amalric e Sabine Azéma devon totjorn compausar amb un tresen personatge , la montanha. Projectarem 3 de lors films virats dins los Pirenèus La Brèche de Roland , Un homme, un vrai, Les derniers jours du monde, precedits de lor documentari autobiografic Les Fenêtres sont ouvertes.
Un grand debat: Existís una identitat pirenenca? Amb d’intervenents, sociològs, cercaires dels Pirenèus franceses e espanhòls. Territòri despartit per un talhonatge administratiu (2 paises, 7 regions, 10 departaments) e per de praticas culturalas divèrsas (6 lengas), los Pirenencs son mai virats cap a lors capitalas regionalas pas que cap a lors vesins, despartits per de montanhas de còps que se pòdon pas franquir. Pr’aquò las tradicions patrimonialas, l’istoria politica aital coma de biaises de viure uèi aquel massís crean de ligams. Pòt parlar uèi de cultura comuna dins lo massís dels Pirenèus?
Al total, son 11 films e un vintenat de realisators e d’intervenents que seràn convidats per aquela programacion especiala suls Pirenèus.
