Amb la devisa “sorsa de diversitat”, la Capitala de la cultura catalana se desplaça aquela annada al centre dels Pirenèus, a Escaldes-Engordany (Andòrra). La Capitala de la Cultura Catalana es una iniciativa nascuda en 1998, destinada a favorisar la difusion e lo prestigi social de la lenga e de la cultura catalana, en mai de contribuir a la coesion culturala dels territòris de lenga catalana e de contribuir a una melhora coneissença del siti designat coma capitala de la cultura catalana.
Al cors de l’annada de 2011, Escaldes-Engordany serà un punt de referéncia cultural dins l’encastre catalan. Una ofèrta completa d’activitats culturalas, sociales e esportivas creadas especificament per aquel projècte serà propausada.
En mai de las activitats que la Comunautat organisa cada annada, coma lo Festenal Internacional de las colors de la musica, las mostras temporàrias dins lo centre d’Art contemporanèu d’Escaldes-Engordany o los dimecres literaris, entre autres, d’activitats culturalas, esportivas, e environamentalas seràn organisadas, destinadas a totes los publics. Cada mes un calendièr que conten totas las activitats serà publicat, per fin coma tot lo mond los pòscan consultar
