La granda randonada
Lo projècte "Pyrineo(25.06.2011-09.07.2011), La Granda Randonada dels Pirenèus" a per tòca de far conéisser o tornar descobrir lo territòri dels Pirenèus. Aquela "Granda Randonada dels Pirenèus" es l’un dels moments de "2011, l’Annada dels Pirenèus", operacion de promocion e de valorisacion del massís pirenenc lançada per la Comunautat de Trabalh dels Pirenèus (mai d’informacions sus www.ctp.org). A travèrs la riquesa de sos espacis naturals e a la rescontra de sos actors e de son patrimòni, desiram partejar nòstre amor d’aquelas valadas e cimas tant singularas.
E sustot, manquetz-pas las uèit etapas festivas que se tendràn tot al long d’aquela Granda Caminada.
Sabètz que podètz participar an aquel eveniment de mai d’un biais :
- Amb un forfach organisat per La Balaguèra :
La Balaguèra botèt en plaça de sejorns organisats "tot compres" que s’adaptan a vòstra disponibilitat. En aquel cas, beneficiatz de l’organisacion globala de La Balaguèra que pren en carga:
- vòstre albergament dins d’establissaments que pòdon anar de l’ostalària al jaç d’estapa, e de còps una nuèit en refugi;
- la restauracion: en general la mièja pension e un pica-nica pel miègjorn;
- los transfèrts de las personas e dels bagatges: un minibús vos mena als punts de rendètz-vos e vòstres bagatges son transportats a cada albergament;
- l’enquadrament per d’acompanhadors La Balaguèra professionals qualificats e originaris del territòri traversat. Randonatz donc en tora tranquilitat!
Mai d’informacions sus : Salome Pepe salomepepe@labalaguere.com +33 5 62 97 46 46.
- Amb un club o une associacion :
De clubs e d’associacions se jonhan a la caravana per una o mai d’una jornada, consecutiva o non.
Lors organisacion e logistica son presas en carga pel club o l’associacion e son integridas e coordonadas dins l’encastre de l’organisacion generala. L’enquadrament d’aquels caminaires es realisat pels acompanhadors de las federacions a lasqualas son restacadas.
Aquel quasernet de rota bota a lor disposicion las informacions necessàrias a lor logistica. Randonatz donc en tota convivialitat!
Mai d’informacions sus : Salome Pepe salomepepe@labalaguere.com +33 5 62 97 46 46.
- En randonaire individual :
Los caminaires individuals se poiràn jónher a la caravana per una o mai d’una estapa. La participacion a las diferentas estapas de la “Granda Randonada dels Pirenèus” es gratis. Los participants devon assumir lor pròpria logistica (transfèrts, albergament, provesiment). Per lor aisir lo prètzfach, aquel quasernet de rota bota a lor disposicion d’informacions utilas.
Per assegurar la securitat d’aquels caminaires individuals, d’acompanhadors en montanha qualificats realisaràn lo percors a l’arrièr de la caravana.
Los randonaires individuals pòdon participar a las animacions propausadas sul percors.
Devon ça que la respectar las consignas e mesuras de securitat de l’organisacion generala e s’inscriure çò primièr sus :
- http://www.pyrineo.eu/spip.php?page=inscription (in french)
